|
|
|
Singkreis Raning
Zum Besten gegeben wurde auch ein selbstgedichteter Reim von Marianne Hofmeister:
Grüß euch Gott ihr lieben Leut,
das alle do seits, is a Freud,
ich soll euch heut, hob net recht wölln
von unserem Chor etwas dazölln.
Doch dann hob ich denkt, war doch glocht,
und wirklich schnell wos zusammen gmocht.
Drum möchte ich kurz sogn wie´s vor 10 Joahr
angefangen hot mit dem Raninger Chor.
Singen wa schia, hobm viele gsog
drum hobm ma glei an Bürgermeister gfrog,
ob er nit a Schreiben assbringen kaun
und des hot er wirklich recht bold daun.
Beim 1. Treffen im Gemeindehaus
alle pockten die Liederbücherln aus,
wos ma kennt hom, hobm ma gsungen,
schia hots wirklich nit immer klungen.
Oanstimmig, zwoastimmig, oft no viel mehr
keiner nach Noten, nur noch an G´hör,
glei hogm ma gwißt, so gehtßs nit weiter
mia brauchen an gscheiten Chorleiter.
Prof. Kaufmann hot gsogt, des mochma glei
bei so viel Frauen wara gern dabei,
gschwind hot er gscheite Noten brocht
und die Stimmeinteilung gmocht.
Am Anfang wors sicher nit leicht
doch mit der Zeit hobm ma´s erreicht,
der Prof. hot gmoant, hiaz is so weit
mia derfn endlich inter´s d Leit.
Wos für a Aufregung wirklich woahr
als ma fost genau vor 10 Joahr,
bei der RIndenkapelln alle zamm
zan 1. Mal die Mess gsungen ham.
Stolz san ma gwen, das Herz hot glocht
wos Singen doch für Freude mocht,
und fesch worn ma, des muaß i sogn
jeder hot a Dirndlgwand trogn.
Weil zgleich schaun hobm ma a wos wölln
das´s Leit nichts Schlechts von ins dazölln.
So hot des mit unserm Chor angfangen
brav san dann alle zum Proben gangen,
weil immer kannst net des Gleiche singen
manchmal sollst a wos Neues bringen.
Da Bürgermeister hot uns a Mappn spendiert
dafür ihm unser Dank gebührt.
Dann ham ma olle Lieader nummeriert
und noch einander einsortiert.
Durch fleißiges Proben und Lieader einstudieren
hobm ma ins denkt, hiaz kinnst es probieren,
mit dem Prof. san ma noch Fatima zogn
und hobn dort unsere Messe vortrogn. |
|
Jedes Joahr in der Vorweihnachtszeit
woarn ma zum Rorate singen gerne bereit,
und nachher ham ma nia vergessen
gmiatli zan Zammsitzen und Frühstück essen.
Die Seniorenfeier in Raning is a Fixtermin
do gehen ma olle sehr gern hin,
die Leit kennst und die Mess is schnoll aus
und nochher gibst immer an sehr guaten Schmaus.
In Mureck und Stroden san ma öfter gwen
und hobn in der Kirchen das Beste gebn.
Auch war unser Chor so nach und nach
in Lichtenberg, Lichtenegg und Unterauersbach.
Deutsch Goritz und Bad Gleichenberg kamen dann
nach einigen Jahren auch noch dran,
beim Adventmarkt in Gnas hobm ma schon gsungen
a beim Sängerfest in Klöch san unsere Liader erklungen.
Bei Benefizveranstaltungen, Geburtstagen und Jubiläen
konnte man den Singkreis Raning auch sehn,
zu verschiedenen Anlässen worn ma glei
alloa und mit anderen Chören zamm, in Gnas dabei.
Festlichkeiten in der Gmeinde gfrein uns am meisten
do wolln ma gern unsern Beitrag leisten,
zum Kapellnfest in Raning und zur Einweihung in Thien
kam der Chor besonders gern hin.
Bunte Abende haben wir organisiert
gsungen und tanzt, ganz ungeniert
noch Heikbrunn hobm ma an Ausflug gmocht
und mit unsere Männer schiane Stunden verbrocht.
Des olls is in 10 Joahr schon gschehn
is viel passiert wiar olle sehn,
stets wor es unser Bestrebn
jederzeit nur des Beste zu gebn.
Und wanns amoal nit ganz stimmt
und ins a folscher Ton auskimmt,
so woaßas gschwind jeder der den Prof. gsiacht
weil´s ihm sei ganze Gsicht verziacht.
In der Umgebung kommen mia viel umeinand
fürs Auslang samma noch z´wenig bekannt,
doch des hobm ma a gor nia wölln
weil für ins nur Spaß und Freude zölln.
Wann neue Mitglieder in nächster Zeit
zu ins kemman taten, hätt ma eine Freud,
des oane möchte ich a no sogn,
weil viele noch die Männer fogn,
mia taten uns freun, Männer waren schua recht,
an Prof. geht´s ba ins jo a nit so schlecht.
Heut lodn ma olle dazua ein
mit ins zan feiern und lustig sein,
in der heut so hektischen Zeit
is Singen und Lochen die größte Freid.
Ich wünsch mia weiterhin fürn Raninger Chor
Kamerodschaft und Spaß für die nächsten Joahr,
und das ma ins immer so gut vertrogn,
macht ich ollen a herzliches Vergeltsgott sogn. |
Ausflug 2009
Unser Singkreis Raning machte am Pfingstmontag einen tollen Tagesausflug. Zuerst ging es zur Wallfahrtskirche
nach Heilbrunn zum Messbesuch und Kirchengesang.
Am Nachmittag erfolgte eine Wanderung auf die Teichalm und danach zum Buschenschankbesuch beim Gansrieglhof. Ein Danke
an die Organisatoren, Josefa Griesbacher und Prof. Alois Kaufmann!
Ein Ständchen beim Gansrieglhof
Gruppenfoto auf der Teichalm |
|
|
|